ആദ്യ പ്രണയത്തിന്റെ ഓർമ്മയ്ക്ക്. (ഭാഗം: 2)

“ഡോക്ടർ ”

പെട്ടെന്ന് ആ റൂമിലേക്ക് കടന്നു വന്ന വ്യക്തി ഡോക്ടറുടെ ശ്രദ്ധയാകർഷിച്ചു.

വെളുത്തു മെലിഞ്ഞ് ഉയരം കുറഞ്ഞൊരു യുവാവ്. ജീൻസും ഷർട്ടുമാണ് വേഷം..
കൈയ്യിൽ ഒരു പൊതി കരുതിയിട്ടുണ്ട്.

“ആരാ ? ” ഡോക്ടർ തിരക്കി.

“ഡോക്ടർ ഞാൻ അജിത്ത്. ദിയയുടെ സുഹൃത്താണ് . ഡോക്ടർ കാണണമെന്ന് പറഞ്ഞിരുന്നില്ലേ?”

“ആഹ്… അതെ.. ദിയയുടെ അച്ഛൻ പറഞ്ഞിരുന്ന ആ വ്യക്തി ,🤔 അജു അല്ലേ ?”

“അതെ ഡോക്ടർ ”

” തിരക്കില്ലെങ്കിൽ ഒന്നു വരൂ… നമുക്കിവിടുന്നു മാറി നിന്നു സംസാരിക്കാം ” .

ഡോക്ടർ മുറിക്കു പുറത്തേയ്ക്ക് നടന്നു.

“ഡോക്ടർ ഒരു മിനിട്ട് ”

ഡോക്ടറുടെ അനുവാദം വാങ്ങി അജു ദിയ കിടന്നിരുന്ന കട്ടിലിനടുത്തേയ്ക്ക് നടന്നു.

ഒന്നുമറിയാതെ ഉറങ്ങുന്ന ദിയയുടെ അടുക്കൽ തന്റെ കയ്യിലുണ്ടായിരുന്ന പൊതി നിവർത്തി ഒരു ചോക്ലേറ്റ് ബോക്സ് വെച്ചു കൊടുത്തു.

കണ്ടു നിന്ന ഡോക്ടർ അജു കേൾക്കെ പറഞ്ഞു.
” ദിയയുടെ മുട്ടായിപ്പെട്ടി, .’മൂപ്പെ’ ”

അജു ചിരിച്ചു.

ഇരുവരും മുറിക്ക് പുറത്തേയ്ക്കിറങ്ങി.

“അജൂ…. ഓഹ് അങ്ങനെ വിളിക്കാല്ലോ അല്ലേ?”

” അതെ ഡോക്ടർ തീർച്ചയായും. ”

” അജൂ… കഴിഞ്ഞൊരു അഞ്ച് വർഷ കാലമായ് എനിക്ക് ദിയയെ അറിയാം. അതിനു മുൻപ് അവളെന്തായിരുന്നു എന്നതും അറിയാം പക്ഷേ വ്യക്തമല്ല . അതൊന്നു ചോദിച്ചു വ്യക്തമാക്കാനാണ് തന്നെ കാണണമെന്ന് ഞാൻ ആവശ്യപ്പെട്ടത് “.

“ചോദിച്ചോളൂ ഡോക്ടർ. ”

” തനിക്കവളെ എത്ര നാളായിട്ട് അറിയാം ?”

“കുഞ്ഞു നാളു മുതൽ അവളെന്റെ അടുത്ത സുഹൃത്താണ്. ഏതാണ്ടൊരു നാലഞ്ചു വയസ്സു മുതൽക്കേ അവളെ ഞാനറിയും. പഠനമെല്ലാം ഒന്നിച്ചായിരുന്നു. . ”

” അപ്പൊ താനാണോ ദിയയുടെ മനസാക്ഷി സൂക്ഷിപ്പുകാരൻ ?”

“ആണോന്നു ചോദിച്ചാൽ ആയിരുന്നൂ എന്നു വേണേൽ പറയാം ഡോക്ടർ, കാരണം അവളുടെ ജീവിതത്തിലെ മിക്ക കാര്യങ്ങൾക്കും ഞാൻ ഒപ്പം ഉണ്ടായിരുന്നു. അവൾക്ക് ആരോടും അങ്ങനെ ഒളിക്കാനും മറക്കാനും ഒന്നും തന്നെ ഉണ്ടായിരുന്നില്ല. എപ്പോഴും ചിരിയും കളിയും തമാശകളുമായ് വല്ലാത്തൊരു പോസിറ്റീവ് വൈബായിരുന്നു അവൾക്കു ചുറ്റും.

എന്നാൽ കഴിഞ്ഞെരു അഞ്ചു വർഷത്തിനിപ്പുറം അവൾ ഞങ്ങളുടെ പഴയ ദിയ അല്ലാണ്ടാകുന്നതും അടുത്തു നിന്നു കണ്ടവനാണ് ഡോക്ടർ ഞാൻ.

അവളുടെ മനസ്സിലെ പല പ്രയാസങ്ങളും ഞങ്ങളുമായ് പങ്കിടാൻ മടിച്ച പോലെ. ഞങ്ങൾ ആരേലും എന്തേലും അറിഞ്ഞു ചോദിച്ചാൽക്കൂടി മറുപടിയെല്ലാം അവളൊരു ചിരിയിൽ ഒതുക്കും.

പതിയെ പതിയെ അവൾ ഞങ്ങളിൽ നിന്നെല്ലാം അകന്നു തുടങ്ങിയിരുന്നൂ .”

” അങ്ങനെ അകലാൻ എന്തേലും കാരണം ഉണ്ടായതായി അറിയുവോ?”

“അറിയാം ഡോക്ടർ,
ശ്രീറാം!!! ദിയയുടെ ആദ്യത്തേയും അവസാനത്തേയും പ്രണയം. ”

അജുവിന്റെ സ്വരത്തിൽ പുശ്ചം നിഴലിച്ചു. അവൻ തുടർന്നു.

” അറിഞ്ഞില്ല ഡോക്ടർ, അവൾ ഇത്രയേറെ ബുദ്ധിമുട്ടു സഹിക്കുന്നുണ്ടെന്ന്. അറിഞ്ഞിരുന്നേൽ ഒരിക്കലും ഞങ്ങൾ അവളെ തനിച്ചാക്കില്ലാർന്നൂ. അവൾ സന്തോഷവതിയാണെന്ന് തെറ്റിദ്ധരിച്ചിട്ടാ ഞങ്ങൾ മാറി നിന്നത്. ഇത്ര കാലം കൂടെ നടന്നിട്ടും ഈ ഞാൻ പോലും അവളെ മനസ്സിലാക്കിയില്ല ; തെറ്റുപറ്റിപ്പോയി!!”

അവന്റെ കണ്ണു നിറയുന്നുണ്ടാർന്നു….. ഉളളിലെ കുറ്റബോധം അവനെ വല്ലാതെ നീറ്റി.

“തനിക്കെപ്പോഴാ ഇതൊക്കെ മനസ്സിലായെ? അവൾ പറഞ്ഞിരുന്നോ തന്നോട് ?”

“ഇല്ല ഡോക്ടർ, എല്ലാവരെക്കാളും എല്ലാത്തിനെക്കാളും അവൾക്ക് അടുപ്പമുള്ളൊരു സുഹൃത്ത് അവളുടെ വീട്ടിൽ ഉണ്ട് അയാൾ പറഞ്ഞതാണ്. ”

” അവളുടെ വീട്ടിലോ? ആരാ അത്? ഡോക്ടർ സൂസൻ ആകാംഷയോടെ ചോദിച്ചു.

ചെറിയൊരു ചിരിയിൽ തെല്ലും ലാഘവത്തോടെ അജു മറുപടി പറഞ്ഞു.

തുടരും.
✍️ അഞ്ജന.🙂

*************************************

ഒരു വായനക്കാരി എന്ന നിലയിൽ ഒരു പാട് lengthy ആയിട്ടുള്ള ഭാഗങ്ങൾ എന്നിൽ മടുപ്പ് ഉളവാക്കാറുണ്ട്. 😉
എന്നാൽ രസംപിടിച്ച് വായനയിൽ മുഴുകുബോൾ പെട്ടെന്ന് Sudden break ഇട്ട് ഓരോ ഭാഗങ്ങളും അവസാനിപ്പിക്കുന്ന രചയിതാവിനോട് അമർഷവും തോന്നിയിട്ടുണ്ട്.🤭🤭 നിങ്ങളിലെ വായനക്കാരെ എനിക്ക് അത്രകണ്ട് സുപരിചിതമല്ലാത്തതു കൊണ്ട് ഓരോ ഭാഗങ്ങളുടെ അവസാനവും തീർച്ചപ്പെടുത്താൻ ചെറിയ തോതിൽ ഞാൻ പാടുപെടുന്നുണ്ട്.😔 ഒരു രചയിതാവെന്ന നിലയിൽ എന്റെ വായനക്കാരുടെ അഭിരുചിയെ പറ്റി മനസ്സിലാക്കാനും നിങ്ങളുമായ് അടുക്കാനും എനിക്കൊരല്പം സാവകാശം കൂടിയേ തീരൂ…. 🤗🤗😛

തെറ്റുകൾ തിരുത്തി നല്ല നല്ല ഉപദേശങ്ങൾ സ്വീകരിച്ച് ഈ എഴുത്തു മുന്നോട്ടു കൊണ്ടുപോകാൻ ഞാൻ ആഗ്രഹിക്കുന്നു.😌 ഒപ്പം നിങ്ങളുടെ സഹകരണവും ഉണ്ടാകും എന്നു പ്രതീക്ഷിക്കുന്നു. 😌😘
😊😊😊😊😊😊😊😊😊😊😊😊😊😊😊😊